watch

Côr rhithiol gyda rhai o aelodau o Gôr Pawb a ddaeth at ei gilydd yn ystod Hydref 2020. Gobeithio y bydd y côr yma, sydd â dros gant o aelodau rhwng 0 a 100 oed, yn gallu dod at ei gilydd i ganu unwaith eto cyn hir fel y gwnaethon nhw yn y gorffennol mewn digwyddiadau a ddaeth â lleisiau o bob oed at ei gilydd.

Prosiect ymchwil a datblygu cydweithredol wedi’i arwain gan SPAN oedd Memortal/Cofio, yn rhan o Span Digidol – cyfres o brosiectau peilot i  roi ar brawf sut y gellid defnyddio technoleg ddigidol yn greadigol i gynyddu cysylltedd a lleihau unigrwydd ac ynysiad. Roedd y prosiect yn golygu gweithio gyda phobl oedd yn marw, rhai oedd yn awyddus i baratoi ar gyfer marwolaeth, pobl hŷn sydd wedi eu hynysu, rhai oedd mewn perygl o farw ar eu pennau eu hunain a pherthnasau pobl sydd wedi marw. Nod y prosiect oedd cynllunio offeryn digidol/ap i helpu pobl i greu eu cofnod coffa eu hunain yn dathlu eu bywydau neu fywyd anwylyn. Gan weithio gyda’r artist animeiddio Gemma Green-Hope a’r datblygydd apiau Owen Davies a thrwy ymgynghoriad â chymunedau, cyfranogwyr a rhanddeiliaid, nod y prosiect oedd cynhyrchu cynnwys a syniadau ar gyfer strwythur ap sy’n hygyrch ac yn hawdd ei ddefnyddio. Roedd Louis Embra, Suzanne Radley-Smith, Neil Jordan, Rozanne Hawksley, Charleen Agostini a Hunter Graham yn gyfranogwyr unigol. Yn ogystal, gweithion ni gyda Gofal Solfach  a Chaffi Tosturiol Cymunedol Brynberian, gyda chefnogaeth ariannol gan Grant Cymunedau Gofalgar CGGSB a thrwy Span Digidol, wedi’i ariannu gan Gyngor Celfyddydau Cymru a’r rhaglen LEADER a weinyddwyd gan

Ym mis Hydref 2019 teithiodd Clwb Digi Span Digidol i Ysgol Gynradd Aber Llydan i weithio gyda disgyblion blynyddoedd 5 a 6 ar animeiddiad byr i’w ddangos yn ystod Parêd Llusernau Hwlffordd, ‘Dros y Lleuad’. Thema’r digwyddiad oedd y gofod, wybren y nos a hanner canmlwyddiant glanio ar y lleuad. Dangoswyd yr animeiddiad ar sgrin sinema wedi’i phweru gan bedalau  a ddarparwyd gan Electric Pedals sy’n cyfuno syniadau am gynaliadwyedd, ymwybyddiaeth ynni ac iechyd ac ymarfer gyda digwyddiadau cymunedol. Diolch i Sarah Hope a Gemma Green-Hope am eu cymorth gyda’r animeiddio.

Gwyliwch ein noson Nadoligaidd pan fwron ni olwg yn ôl a dathlu holl weithgareddau Span yn 2020. Gydag Anna Sherratt a rhai o’n gwirfoddolwyr gwych yn cyflwyno, roedd cymysgedd o gerddoriaeth, ffilmiau, theatr ar-lein, cwisiau, a raffl ar-lein. Gwisgodd y gwylwyr eu dillad mwyaf pefriog i ddod â’r flwyddyn i’w therfyn mewn steil!  

Fel rhan o’n cyfres ar-lein o gerddoriaeth fyw gartref, Natalie Holmes yn cefnogi Lowri Evans a Lee Mason mewn noson o gerddoriaeth acwstig hyfryd.      

Wedi’i ffurfio ym 1987 gan eu Cyfarwyddwr Cerddorol Carol Pemberton MBE, mae Black Voices wedi ennill clod fel pumawd a cappella merched gorau Ewrop. Ers dros 25 mlynedd mae’r ensemble wedi cyfareddu cynulleidfaoedd ar draws y byd gyda’u canu a pherfformiadau yn nhraddoddiad llafar du – ffurf o gerddoriaeth gynnar wedi’i seilio ar lên gwerin a chwedleua hynafol Affrica  a’r gwasgariad sydd wedi effeithio ar ddatblygiad cerddoriaeth glasurol a genres mwy diweddar  megis canu’r felan a jazz. Gan dynnu ysbrydoliaeth o’r traddodiad cyfoethog hwnnw mae Black Voices wedi datblygu repertoire a threfniannau unigryw o ganeuon ysbrydol, caneuon gwerin traddodiadol o Affrica, y Caribî a Lloegr, jazz, gospel, pop a reggae yn ogystal â chyfuniad o arddulliau cyfoes a chlasurol sydd wedi ennill iddynt gydnabyddiaeth fyd-eang fel cwmni perfformio a dysgu. Mae Black Voices yn ei hystyried yn fraint eu bod wedi cael eu dewis i berfformio o flaen aelodau’r teulu Brenhinol Prydeinig yn y DU a thramor. Ym 1988 perfformiodd yr ensemble mewn cyngerdd awyr-agored ar gyfer y Pab Ioan Pawl II yn Loreto, Yr Eidal, ac yn 1996 o flaen y cyn Arlywydd Nelson Mandela yng Nghyngerdd y Ddwy Genedl yn Neuadd Albert. Yn teithio’r byd gyda’u sain nodweddiadol,

Bîtbocs, lwpio byw arloesol, calimba trydan, ffidil gwerin, organ jazz, gîtar y felan a’r gair llafar. Y bît bocsiwr dwyieithog Mr Phormula gyda’r bardd ac awdur geiriau Martin Davies yn arloesi mewn ymdoddiad newydd o gerddoriaeth sy’n archwilio prosesau traddodiadol a modern. Ddydd Sadwrn Medi 12fed perfformiodd Bardd gig dethol wedi’i ffrydio’n fyw – noson  yn ymdeithio rhwng gwreiddiau barddol Cymru a disgo ffync rhydd. Yn cefnogi’r band yr oedd Eädyth, canwr, cyfansoddwr ac offerynwr 22 oed o Ferthyr Tudful sydd wedi bod yn rhyddhau recordiadau yn y ddwy iaith ers pedair blynedd. Roedd yn noson o fîtbocsio, lwpio byw arloesol, Calimba trydan, ffidil werin, organ jazz, gîtar y felan a barddoniaeth gair llafar ochr un ochr a churiadau i ddawnsio iddynt. Mae Bardd yn cynnwys yr artist gair llafar gwobrwyedig Martin Daws (Bardd plant Cymru 2013-16), y lwpiwr byw a bîtbocsiwr chwedlonol Mr Phormula (a fu’n bencampwr bîtbocs Cymru ddwywaith), a’r aml-offerynnwr anhygoel Henry Horell (Gitâr/Allweddell/Ffidil). Dywed Bardd mai eu nod yw “dod â phopeth yr ydym at ei gilydd yn un grŵf bendigedig”.

Ar Fehefin 13eg fe ynunon ni â’r Baghdaddies ar gyfer gig dethol wedi’i recordio o flaen llaw. Yn ogystal â’r traciau a recordiwyd yn unswydd i Span, ymunodd y band â ni ar y ‘Chat’ i godi’r galon ac i sgwrsio â’r gynulleidfa. Roeddem yn ymwybodol fod pawb yn gweld eisiau’r llawr dawns, felly penderfynon ni i ddod ag e at bobl Sir Benfro a thu hwnt gyda’r band afieithus a stwrllyd hwn! Roedd y gymysgedd wefreiddiol o felodïau o’r Balcanau, ska a grŵfau Lladin a phres chwilboeth wedi’i berfformio gydag egni gwyllt, a’r hiwmor theatraidd yn bendant yn peri i’r gynulleidfa guro eu traed! Mae cefnogi perfformwyr a cherddorion wedi bod yn un o’n prif flaenoriaethau, yn enwedig yn ystod y cyfnod clo, wrth i ni barhau i  gyflwyno cerddoriaeth o’r radd flaenaf. Er mwyn cadw at ein hamcanion roedd y gig yn ddigwyddiad codi arian ar gyfer y sefydliad er mwyn i ni barhau i wneud yr hyn rydym yn ei wneud! Os ydych yn hoffi’r hyn a welwch, ac os hoffech chi gefnogi’r celfyddydau yn Sir Benfro, byddem yn hynod ddiolchgar am unrhyw gyfraniadau y gallwch eu fforddio. Cyfrannwch yma.