News

Span Director

Mae côr Celfyddydau SPAN, Côr Pawb, yn eich gwahodd chi i’r  Canu Mawr / The Big Sing! 29ain o Fai 2023 | 11.15 – 12.00 | Eglwys Gadeiriol Tyddewi Ymunwch â Chôr Pawb - Côr Celfyddydau Span - ar gyfer rhaglen fer o gân bererindod wedi ei pherfformio yn Eglwys Gadeiriol Tyddewi fel rhan o Ffair Bererinion.  Bydd y digwyddiad yn ddathliad o'r prosiect Pererin Wyf / Is Oilithreach Mé / I am a Pilgrim ac yn cynnwys perfformiad o gân newydd An Dara Craiceann (Yr Ail Groen) a ysgrifennwyd gan Rachel Uí Fhaoláin mewn ymateb i'r prosiect a bydd yn gorffen gyda chanu mawr a Cappella o'r emyn 'Pererin Wyf' gan William Williams, Pantycelyn ac fe'ch gwahoddir i ymuno!  Mae’r emyn wedi ei chanu ar dôn Amazing Grace ers i’r gantores Gymreig Iris Williams recordio ei fersiwn carreg filltir o Pererin Wyf yn 1971. Mae’r emyn ar gyfer y perfformiad yma wedi trefnu gan arweinydd Côr Pawb Molara Awen. Os hoffech ymuno gyda Chôr Pawb yn canu mewn pedwar llais gallwch ddysgu eich rhan o’r dolenni isod! Soprano  |  Alto   |  Tenor   |  Bass Bydd y cyngerdd yn cael ei ffrydio’n fyw o’r Eglwys Gadeiriol. Mae An Dara Craiceann (Yr Ail Groen)

Mae Adeola, y chef, yn teimlo’r gwres, a dy’n ni ddim yn sôn am gawl pupur! Gyda’r pwysau a ddaw o fusnes newydd, babi cyfnod clo, ac archwiliad diogelwch bwyd ar fin cael ei gynnal, sut yn y byd mae ein hegin-entrepreneur bwyd yn mynd i ymdopi? Mae The House of Jollof Opera yn brofiad byw pop-yp sy’n gweini danteithion Nigeraidd (100% fegan) mewn mannau cwrdd cymunedol ledled Cymru, ynghyd â stori operatig 15 munud o hyd dan ddylanwad hip-hop. Dewch ar daith llawn blas, aroglau a rhythmau yn y sioe gwbl unigryw hon. Mae’r sioe wedi ei hysgrifennu a’i pherfformio gan Tumi Williams, yr artist o gefndir Cymreig-Nigeraidd, ac yn serennu ynddi hefyd mae’r soprano enwog Gweneth Ann Rand. Wedi ei chyfarwyddo gan Sita Thomas o gefndir Cymreig-Indiaidd, mae The House of Jollof Opera yn wir yn ddathliad o Gymru fodern, amlddiwylliant. Wedi’i seilio ar ffilm fer arobryn a enillodd Wobr am Ffilm Geltaidd, crëwyd The House of Jollof Opera i gorddi ac ail-lunio cysyniadau o opera a pherfformiad artistig byw, yn ogystal â mynd i’r afael â’r annhegwch mewn mynediad at gelf a diwylliant. Fel artist amlddisgyblaeth, cerddoriaeth yw cariad artistig cyntaf Tumi Williams, ac mae’n gweithio mewn

Rydym yn edrych am artist sy'n siarad Cymraeg i hwyluso'r prosiect cyffrous hwn mewn ysgol Gymraeg leol. Bydd y prosiect yn cynnwys dosbarth cymysg o blant blwyddyn 8 Ysgol Y Preseli, Crymych,  gyda'r nod o adfywio gardd gymunedol yr ysgol, yn dilyn cyfres o weithdai cyd-greu dan arweiniad aelodau o dîm Celfyddydau SPAN.  Nod y prosiect yw defnyddio deunyddiau wedi'u hailgylchu i ailwampio'r ardd gymunedol drwy gyfres o weithdai, a gwella iechyd corfforol ac emosiynol disgyblion ar yr un pryd. Roedd y thema o ailgylchu yn elfen bwysig i ddisgyblion yn ystod y gweithdai cyd-greu, ynghyd â gwella iechyd emosiynol a chorfforol, cydweithio, a chael llais fel person ifanc yn tyfu i fyny yng Ngorllewin Cymru. Hoffem weld elfennau o'r themâu hyn yn cael eu hymgorffori yn y prosiect. Dyma gyfle eithriadol i ddisgyblion weithio gydag artist proffesiynol i archwilio amrywiaeth o dechnegau a sgiliau celf, mewn ffordd bositif, greadigol a chyfannol wrth weithio gyda'u hamgylchedd a lleisio'r hyn sy'n bwysig iddyn nhw. Os oes gennych ddiddordeb, rydym yn eich gwahodd i gyflwyno eich ymateb creadigol i info@span-arts-dev.co.uk ym mha bynnag fformat sy'n gweithio orau i chi, gallai gael ei ysgrifennu, fideo neu sain. Pa bynnag fformat rydych chi'n ei

Seilir theatr air am air ar straeon pobl go iawn. Mae’r dramodydd Ceri Ashe wedi bod yn gweithio gyda phobl o bob oed a chefndir ar draws gorllewin Cymru i gasglu straeon am yr uchaf ac isaf bwyntiau, a’r gwirioneddau o beth mae bywyd yn y normal newydd hwn yn ei olygu iddyn nhw. Bydd y brithwaith hwn o straeon gwir gan fyfyrwyr ifanc, mamau gweithgar, pensiynwyr a mamguod a thadcuod i restru ond ychydig, yn dod yn fyw y gaeaf hwn drwy gyfrwng Theatr Soffa- prosiect arloesol Celfyddydau Span sy’n cael ei ffrydio’n fyw. O'r cwtsh cyntaf a'r cariad cyntaf at doriadau gwallt a dawnsio fel petai neb yn gwylio, bydd y sioe ingol, gignoeth, a chalonogol hon yn mynd â chi ar daith emosiynol, a’ch symbylu i fyfyrio ar beth mae’r normal newydd yn ei olygu i chi. Archebwch eich tocyn am ddim yma Mae Theatr Soffa’n gwmni theatr cymunedol ar-lein sy’n cyflwyno perfformiadau wedi’u ffrydio’n fyw trwy gyfrwng Zoom a hynny yn y Gymraeg ac yn Saesneg. Cafodd y cwmni ei greu’n wreiddiol gan SPAN fel modd creadigol i gysylltu pobl ar draws Sir Benfro a oedd wedi’u hynysu mewn ardaloedd gwledig neu’n gaeth i’w cartrefi a

Yn 2015, ffurfiodd Celfyddydau SPAN Côr Pawb, côr cymunedol dorfol o 70-100 cantorion rhwng chwech a naw deg chwech mlwydd oed, o bob rhan o'r sir a thu hwnt.   Rydym wrth ein boddau i gyhoeddi y bydd Côr Pawb yn dychwelyd gyda pherfformiad gwefreiddiol I ddod â Gŵyl Llais A Cappella Arberth i ben ar ddydd Sul y 5ed o Fawrth 2023 yn Neuadd y Frenhines. Bydd y côr torfol yn cyfarfod am gyfres o ymarferion yn Neuadd Gymunedol Clunderwen o dan arweiniad yr arweinwyr corau profiadol Molara Awen (One Voice a Cân Sing), Maya Waldman (Sweet Harmony a Lleisiau Preseli) a Tomos Hopkins (Côr Dysgwyr Sir Benfro). Dyddiadau ymarfer: 19eg o Dachwedd, 7fed o Ionawr, 29fed o Ionawr, 19eg o Chwefror. Bydd sesiynau yn digwydd o 11 i 4 o’r gloch. Mae ymarferion yn rhad ac am ddim i'w mynychu, ond croesawn unrhyw rhoddion. Wedi'i sylfaenu ar egwyddorion cryfder a gwydnwch cymunedol, mae Côr Pawb yn croesawu pob llais, waeth beth fo'u gallu i ganu, i ddod ynghyd ar gyfer dathliad o gân i godi’r calon. Does dim rhaid bod yn aelod o gôr neu wedi canu o'r blaen i ymuno. Mae croeso i bawb - cantorion profiadol

Mewn partneriaeth â Menter Iaith Sir Benfro, mae Celfyddydau SPAN yn falch iawn o gyflwyno Ensemble John S. Davies yn ein Cyngerdd Adfent poblogaidd eleni am 3 o’r gloch Dydd Sul y 27ain o Dachwedd yng Nghapel Pisga, Llandysilio, SA66 7TF.   Rydym yn falch o groesawu'r adnabyddus John S. Davies a'i ensemble i naws atmosfferig golau cannwyll yng Nghapel Pisga. Bydd y grŵp talentog o gantorion proffesiynol, aelodau o gorau eglwysi cadeiriol, a myfyrwyr cerdd wedi'u dewis gan John Davies ei hun yn cyflwyno awr lawen o gerddoriaeth gorawl ddwyieithog er mwyn croesawu dechrau'r Adfent. Wedi’u ffurfio yn 1978, mae Cantorion John S. Davies yn perfformio'n rheolaidd yn Eglwys Gadeiriol Tyddewi, wedi teithio gyda'r clasuron mawr a gweithiau newydd gwych - y mwyafrif yn rhai di-gyfeiliant- o Lundain i Rufain, ac wedi perfformio mewn nifer o wyliau yng Nghymru. Mae John yn Gymrawd Coleg Brenhinol Cerdd a Drama Cymru lle bu'n fyfyriwr. Yn ei swyddogaeth fel Sefydlydd a Chyfarwyddwr Celfyddydol Gŵyl Gerdd Ryngwladol Abergwaun (1970-2006) cafodd ei anrhydeddu â'r MBE ym 1997. Mae hefyd wedi derbyn nifer o wobrwyon eraill am ei waith ym myd cerddoriaeth yng Nghymru. Drysau’n agor am 2.30 o’r gloch. Cyngerdd yn cychwyn am 3

Rydym yn falch i gyhoeddi lansiad cyfres o brosiectau newydd wedi’u cydgynllunio gan roi lle canolog i leisiau’r gymuned. Yn dilyn 6 mis o sgyrsiau creadigol, mae'r prosiectau hyn yn nodi pennod gyffrous i SPAN wrth i ni gychwyn proses gyd-greu newydd ar y cyd â'r gymuned.   Chwedlau'r Normal Newydd / Tales from the New Normal: Gyda chymorth Cyngor Celfyddydau Cymru a Comic Relief, rydym yn cydweithio gyda’r actor a dramodydd Ceri Ashe (Bipolar Fi, Chwedlau’r Cyfnod Clo: Bara a Babanod) a’r Cynhyrchydd a Chyfarwyddwr Anna Sherratt (Rholiwch am Wellhad/Roll for Remission) i greu Chwedlau'r Normal Newydd / Tales from the New Normal : darn theatr ddwyieithog ar-lein, wedi ei arwain gan y gymuned, sy'n edrych ar realiti bywyd mewn byd wedi'r cyfnod clo. Caiff perfformiadau eu ffrydio’n fyw ar-lein ym mis Rhagfyr.   Comisiwn Gwobrau Partner Unlimited: Ochr yn ochr â National Theatre Wales a Chwmni Dawns Cenedlaethol Cymru, rydym yn falch o ymuno â chomisiwn partner Unlimited am y tro cyntaf. Mae Unlimited yn comisiynu gwaith rhyfeddol gan artistiaid anabl sy'n wrthryfelgar, radical, anturus, ysbrydoledig, a chwareus. Rydym yn awyddus i weithio gydag artist anabl sydd wedi ymgysylltu'n gymdeithasol i greu gwaith newydd sy'n meddu ar gyseiniant

Safiwch y dyddiad! Mae NAVF yn ôl gyda dyddiad ar gyfer eich dyddiaduron 2023. Mae Celfyddydau SPAN yn hynod gyffrous i gyhoeddi y bydd Gŵyl Llais A Cappella Arberth yn ôl yn ei hanterth o'r 3ydd - 5ed o Fawrth 2023! Gallwch edrych ymlaen at benwythnos gŵyl sy'n llawn cerddoriaeth fyw, gwledd ganu anhygoel, yn ogystal â gweithdai diddorol a dyrchafol dan arweiniad meistri a cappella. Bydd modd archebu tocynnau ar-lein yn fuan iawn at span-arts-dev.co.uk neu drwy'r swyddfa docynnau ar 01834 869323. Cofrestrwch ar gyfer ein rhestr bostio yma a bod y cyntaf i wybod pryd mae tocynnau'n mynd yn fyw. Dewch yn ôl  i weld mwy o ddiweddariadau ar draws ein sianeli cyfryngau cymdeithasol: Facebook | Instagram | Trydar Cefnogir gan Gyngor Celfyddydau Cymru a Chyngor Sir Penfro, mewn cydweithrediad â Neuadd y Frenhines a Chapel Bethesda, Arberth. Narberth A Cappella Voice Festival 2022

Grŵp canu deufisol i bob gallu yw Cân Sing, sy'n dathlu manteision dyrchafol canu   Mae'r grŵp wedi bod yn cwrdd ers blynyddoedd lawer, gydag ychwanegiadau newydd ar hyd y ffordd. Mae'n berffaith os ydych chi'n edrych i ganu'n rheolaidd mewn amgylchedd di-bwys, neu os ydych chi am ganu bob hyn a hyn. Mae cyflymder yr addysgu yn addas i bawb, heb unrhyw cyfyngiadau amser. Mae'n bleser gennym gyhoeddi bod sesiynau wedi dychwelyd i Arberth, ac yn cael eu cynnal yn Eglwys y Bedyddwyr Bethesda, Arberth, yn rheolaidd am 7.15pm – 9.15pm Bydd yr ymarferydd lleisiol Molara yn arwain y grŵp drwy ddathliad archwiliol o ganu, gan ganolbwyntio ar gryfhau'r llais, goresgyn rhai o'r rhwystrau corfforol ac emosiynol i ganu'n agored ac yn rhydd, a mwy na dim, mwynhau canu! Mae'r repertoire yn amrywiol, gyda chaneuon o Georgia, Ghana, Zimbabwe, a Hawaii, ac ychydig o shanties, yn ogystal â caneuon pop. Mae'r prosiect wedi darparu cefnogaeth a chysylltiad hanfodol ac wedi helpu i wella lles pobl yn y cyfnod anoddaf hwn. Mae aelodau wedi dweud bod y sesiynau yn "ysgogi, cysylltu a chynhesu'r galon ... gyda cymysgedd o gynhesrwydd, sgwrs a chân." Dyddiad: Pob 1af a 3ydd Dydd Llun y

Pererin Wyf / Is oilithreach mé / I am a pilgrim: sounding the way back through story and song is a participatory arts project seeking to connect with the Welsh and Irish diaspora with particular reference to Pembrokeshire and Wexford and a new cross-border pilgrimage connecting these places. The project takes its title and inspiration from an 18th century hymn by the prolific Welsh writer William Williams Pantycelyn. The song widely known in Wales and beyond through the Welsh diaspora will be familiar to a great many other people around the globe as it is mostly sung to the tune of Amazing Grace. This project will invite people wherever they are in the world to sing this song, a version of this song or any song of special significance to them and the themes of this project and to pin that recording to our online map. Project participants will also have the chance to offer their personal reflections and connections to North Pembrokeshire and Wexford whether current resident, the home place of their forebears, or place of significance for other reasons. Click here to view the project page. The project Pererin Wyf will begin in September 2022 with a series of free online

Rydym wrth ein boddau i rannu bod Celfyddydau SPAN wedi'u cyhoeddi fel partneriaid yng Ngwobrau DU a Rhyngwladol Unlimited ar gyfer Artistiaid Anabl. Mae Unlimited yn gorff comisiynu celf sy’n cefnogi, ariannu a hyrwyddo gwaith newydd gan artistiaid anabl ar gyfer cynulleidfaoedd yn y DU ac yn rhyngwladol. Ers 2013, mae Unlimited wedi cefnogi dros 460 o artistiaid gyda chyllid o dros £4.9 miliwn, a chyrraedd cynulleidfaoedd o dros 5 miliwn, sy’n golygu ei fod ar y brig yn fyd-eang fel cefnogwr artistiaid anabl. Ym mis Ebrill 2022 daeth Unlimited yn sefydliad annibynnol a chanddo genhadaeth i gomisiynu gwaith rhagorol gan artistiaid anabl hyd nes y bydd y sector diwylliant cyfan yn gwneud hynny. Yn ei flwyddyn gyntaf fel sefydliad annibynnol, mae Unlimited yn gwneud pethau’n wahanol i chwalu’r rhwystrau mae artistiaid anabl yn eu hwynebu, ac i gefnogi newid systemig a chynaliadwy. Mae Celfyddydau SPAN yn un o 17 o sefydliadau yn y DU sy'n partneru gydag Unlimited i gynnig 20 o wobrau i artistiaid anabl. Bydd y gwobrau hyn yn cynnig cyfanswm o £584,000 i gomisiynu artistiaid ar lefel genedlaethol a rhyngwladol. Bydd y gwobrau yn rhoi cyfle i artistiaid anabl ddatblygu a chyflwyno gwaith ledled y DU

Mae Celfyddydau Span yn falch iawn o gyhoeddi fod Cwmni Theatr y Festival Players yn dychwelyd i leoliad hudolus Lampeter House i ddathlu blwyddyn arall o Shakespeare yn yr awyr agored. Hanes pedwar o gariadon ifanc sy’n cael eu lapio ym mreichiau breuddwydiol coedwig dan hud a geir yn A Midsummer Night’s Dream. Yma mae ellyllon un cuddio a’r tylwyth teg yn teyrnasu. Wrth i frenin a brenhines y tylwyth teg ymgecru a’i gilydd, caiff eu llwybrau eu croesi gan Bottom, Quince a’u ffrindiau sy’n cyflwyno drama oddi mewn i ddrama. Mae Puck, prif wneuthurwr y drygioni, wrth law i sicrhau bod cwrs gwir gariad yn unrhyw beth ond llyfn, ac o ganlyniad gwelwn gemau ffantasi, cariad a breuddwydion yng nghomedi mwyaf hudolus Shakespeare. Mae‘r Festival Players, a noddir gan y Fonesig Judi Dench, â 60 mlynedd o brofiad cyfunol o theatr deithiol broffesiynol, ac maent ar fin dod â miri ac anrhefn i'w perfformiadau o gomedi mwyaf lliwgar Shakespeare yr haf hwn. Bellach ar eu 36ain taith flynyddol, mae'r grŵp bywiog o Swydd Gaerloyw yn dod â  A Midsummer Night's Dream i dros 50 o leoliadau o abatai i amffitheatrau ledled y DU a thu hwnt. Mae cyflwyno Shakespeare

Bu cymunedau ledled Sir Benfro yn gweithio’n galed tuag at berfformiadau o stori Nadolig annwyl Dylan Thomas, ‘Nadolig Plentyn yng Nghymru’, a gafodd ei ffrydio’n fyw yn Rhagfyr 2021. Cynhaliwyd ymarferion dros alwadau fideo fel rhan o brosiect arloesol Theatr Soffa, gyda phobl yn cymryd rhan o bob cornel o Sir Benfro a Ceredigion ac felly’n gwneud hi'n bosibl i bobl â chyflwr iechyd gymryd rhan mewn prosiect cymunedol. Cydweithiodd Span, Menter Iaith Sir Benfro a Cered i ddod â grwpiau Cymraeg a Saesneg at ei gilydd, a mae’r ddau gast wedi bod yn greadigol wrth grefftio propiau a gwisgoedd eu hun i ddod â'r stori galonnog i fyw. Mae hanes barddonol Dylan Thomas am Nadoligau ei blentyndod mewn tref fach yng Nghymru yn stori boblogaidd iawn, yn cynnwys bleiddiaid, eirth, hipos a chath Mrs Prothero. Cafodd y fersiwn theatr ei chyflwyno yn Gymraeg a Saesneg, gan ddefnyddio cyfieithiad Bryan Martin Davies. Roedd y cynhyrchiad yn cynnwys cerddoriaeth rhyfeddol Deuair sy'n cynnwys doniau cerddorol Elsa Davies a Ceri Owen-Jones, a gwaith celf wreiddiol hyfryd Jake Whittaker, sydd hefyd yn gweithio fel Technolegydd Creadigol ar y cynhyrchiad. Mae Theatr Soffa yn rhan o brosiect Celfyddydau ac Iechyd Span Arts sydd wedi

Mae'r prosiect hwn bellach wedi gorffen. Gallwch wrando i’r faled gyfan yma! Ar Ddydd Sul Hydref 3ydd gwahoddir cantorion i ymuno a chôr unnos (Scratch Choir) arbennig er mwyn canu a recordio fersiwn o’r gân Y Tangnefeddwyr - gosodiad o gerdd adnabyddus Waldo Williams.  Arweinydd y côr, sy’n dwyn yr enw Côr y Cewri ar gyfer y digwyddiad unigryw hwn, fydd Rhian Medi Jones a'r cyfeilydd fydd Rhidian Evans. Mae’r digwyddiad yn cael ei recordio ar gyfer prosiect sydd wedi bod yn cymryd lle dros yr haf, sef Cân y Ffordd Euraidd.  Mae’r prosiect Cân y Ffordd Euraidd yn cynnig agwedd celfyddydol ar dreftadaeth Ein Cymdogaeth Werin Preseli gyda’r bwriad o greu ‘baled radio’ mewn ymateb i ardal Preseli o Grymych i Gwm Gwaun.  Bydd y faled yn plethu llais, sain a chân er mwyn ymgorffori cofnod llafar o le unigryw. Y Ffordd Euraidd yw’r enw a roddir i lwybr troed hynafol sy’n tramwyo crib saith milltir mynyddoedd y Preselau o Foel Drygarn i Fwlch Gwynt.   Mae’r prosiect hyd at hyn wedi cymryd ffurf cyfres o weithdai a theithiau cerdded o’r cymunedau sydd yn byw wrth droed y Preselau.  Roedd y teithiau cerdded gweithdy yma yn cynnwys cyflwyniadau gan arbenigwyr a wahoddir, cyfleoedd i gyfnewid straeon, a recordio seiniau. Mae gwaith a gwaddol Waldo Williams i’r ardal wedi bod yn amlwg wrth i weithdai prosiect Cân Y Ffordd Euraidd mynd yn eu blaen.   Ysgrifennodd Waldo'r gerdd Y Tangnefeddwyr mewn ymateb i’r ail rhyfel byd ac

Cynorthwy-ydd Marchnata Digidol Cyfnod Mamolaeth Mae Celfyddydau Span, elusen celfyddydau cymunedol wedi’i lleoli yn Arberth, Sir Benfro, yn awyddus i recriwtio person brwdfrydig, gweithgar a chreadigol i ymuno â'n tîm. Bydd yr ymgeisydd llwyddiannus yn ymrwymedig i sicrhau bod digwyddiadau a gweithgareddau Span yn cael eu hyrwyddo mor effeithiol ac eang â phosibl Byddai'r rôl yn addas i fyfyriwr neu berson graddedig sydd â phrofiad yn Wordpress, ynghyd â sgiliau digidol, rhwydweithio cymdeithasol a dylunio gwych a diddordeb yn y celfyddydau.   Yn gyfrifol i:              Cyfarwyddwr Celfyddydau Span Lleoliad:                     Arberth, ar-lein a lleoliadau digwyddiadau Cyflog:                       £9.50 yr awr yn gyfwerth â £7,410 y flwyddyn (£17,290 FTE) Oriau:                         15 awr yr wythnos Contract cyfnod penodol cyfnod mamolaeth Bydd angen peth gwaith gyda’r nos ac ar benwythnosau Gwyliau 5.6 wythnos pro rata yn cynnwys Gwyliau Banc. Mae Celfyddydau Span yn ymroddedig i gyflawni cydraddoldeb cyfleoedd ym meysydd gwasanaethau i’r gymuned a chyflogi pobl, fel ei gilydd, ac yn disgwyl i bob gweithiwr ddeall a hybu ein polisïau yn eu gwaith. Mae Celfyddydau Span yn Gyflogwr Cyflog Byw Go Iawn DIGITAL MARKETING JOB DESCRIPTION & APPLICANT GUIDANCE NOTES Please note we will not be accepting CV’s. To apply please download and